Shillong, Jylliew 02 : U Bodybuilder ka Meghalaya Bapyntngen Marvin Synnah uba mihkhmat ia ka Jylla, ula ioh khur haduh lai tylli ki takma ksiar na ka lympuang iakop pyni ksah jong ka ICN (I Compete Natural) National Bodybuilding Championship.
Kane ka lympung iakop pyni ksah ka dei kaba la pynlong ha Bengaluru ha ka 30 bad 31 tarik u Jymmang, 2026.
U Bapyntngen ula ioh khur haduh lai tylli ki takma ksiar ha ka across category of Bodybuilding, Classic Physique bad Men’s Fitness Model.
U Bapyntngen ula ong ba kane ka jingjop kan yn wan khlem ka jingtbin lynti bad jingkyrshan jong u Coach Bransley Nongkynrih, uba la ai ia ki jinghikai ha Iron House Gym, Nongmensong.
Ka ICN (I Compete Natural) ka dei ka Natural Bodybuilding Federation ba ithuh ha pyrthei, kaba kyntiew ia ka jingkop ba lait na u droks bad bat ia ka nongrim ka jingleh hok lyngba ki anti-doping standard kiba pyrrkhing. Kane ka Federation ka ai ia ka rynsan ia ki nongialehkai ba kin pyni ia ki dohkash lyngba ka jingaiti, ka jingim ba beit bad ki jingkilan met khlem ka jingpyndonkam dawai.
